პირადი კაბინეტის კონფიდენციალურობის განაცხადი

 

სს სადაზღვევო კომპანია ჯი პი აი ჰოლდინგის მიერ (საიდენტიფიკაციო კოდი: 204426674, იურიდიული მისამართი: კოსტავას ქ. №67, ქ. თბილისი, საქართველო) (შემდგომში - ჯიპიაი/კომპანია ) შექმნილია ელექტრონული პლატფორმა - პირადი კაბინეტი (შემდგომში - პირადი კაბინეტი ), რომლის საშუალებით მომხმარებლებს დისტანციურად შეუძლიათ სხვადასხვა სადაზღვევო მომსახურების მიღება, მათ შორის, სადაზღვევო პოლისის შეძენა, ექიმთან ჩაწერა, ჯავშნების გაკეთება, მიმართვების გამოწერა, ანაზღაურების მოთხოვნა და სხვა.

 

წინამდებარე დოკუმენტი მომზადებულია პერსონალურ მონაცემთა დაცვის შესახებ საქართველოს კანონის (შემდგომში - კანონი ) შესაბამისად და განსაზღვრავს პირადი კაბინეტის ფარგლებში მომხმარებლების პერსონალურ მონაცემთა კატეგორიებს, დამუშავების მიზნებს, სამართლებრივ საფუძვლებს, შენახვის ვადებსა და კანონით დადგენილ სხვა დამატებით საკითხებს.

 

ტერმინები

 

აპლიკაცია - მობილური აპლიკაცია, რომელიც შემუშავებულია სპეციალურად პირადი კაბინეტისთვის მცირე, უკაბელო გამოთვლით მოწყობილობებზე, როგორიცაა სმარტფონები და ტაბლეტები;

ვებგვერდი - https://www.mygpi.ge

მომხმარებელი ჯიპიაის დამზღვევი/დაზღვეული/მოსარგებლე ფიზიკური პირი, რომელიც სარგებლობს აქტიური ჯიპიაის სადაზღვევო პოლისით და რეგისტრირებულია პირად კაბინეტში , ინფორმაციის ან/და სადაზღვევო მომსახურების დისტანციურად მიღების მიზნით;

პოტენციური მომხმარებელი - ნებისმიერი ფიზიკური პირი, რომელიც რეგისტრიდება ან/და რეგისტრირებულია პირად კაბინეტში , რომელიც რეგისტრაციის მომენტისთვის არ წარმოადგენს კომპანიის მომხმარებელს;

მონაცემთა სუბიექტი - ნებისმიერი ფიზიკური პირი, რომლის შესახებ მუშავდება მონაცემი; წინამდებარე დოკუმენტის მიზნებისათვის, მონაცემთა სუბიექტს წარმოადგენს მომხმარებელი;

პერსონალური მონაცემი - ნებისმიერი ინფორმაცია, რომელიც იდენტიფიცირებულ ან იდენტიფიცირებად ფიზიკურ პირს უკავშირდება. ფიზიკური პირი იდენტიფიცირებადია, როდესაც შესაძლებელია მისი იდენტიფიცირება პირდაპირ ან არაპირდაპირ, მათ შორის, სახელით, გვარით, საიდენტიფიკაციო ნომრით, გეოლოკაციის მონაცემებით, ელექტრონული კომუნიკაციის მაიდენტიფიცირებელი მონაცემებით, ფიზიკური, ფიზიოლოგიური, ფსიქიკური, ფსიქოლოგიური, გენეტიკური, ეკონომიკური, კულტურული ან სოციალური მახასიათებლით. წინამდებარე დოკუმენტის მიზნებისათვის, პერსონალური მონაცემები მოცემულია წინამდებარე დოკუმენტის მე-4 მუხლში;

განსაკუთრებული კატეგორიის მონაცემი - მონაცემი, რომელიც უკავშირდება ფიზიკური პირის რასობრივ ან ეთნიკურ კუთვნილებას, პოლიტიკურ შეხედულებებს, რელიგიურ, ფილოსოფიურ ან სხვაგვარ მრწამსს, პროფესიული კავშირის წევრობას, ჯანმრთელობას, სქესობრივ ცხოვრებას, ბრალდებულის, მსჯავრდებულის, გამართლებულის ან დაზარალებულის სტატუსს სისხლის სამართლის პროცესში, მსჯავრდებას, ნასამართლობას, განრიდებას, ადამიანით ვაჭრობის (ტრეფიკინგის) ან ქალთა მიმართ ძალადობის ან/და ოჯახში ძალადობის აღკვეთის, ძალადობის მსხვერპლთა დაცვისა და დახმარების შესახებ საქართველოს კანონის შესაბამისად დანაშაულის მსხვერპლად ცნობას, პატიმრობას და მის მიმართ სასჯელის აღსრულებას, აგრეთვე ბიომეტრიულ და გენეტიკურ მონაცემებს, რომლებიც ფიზიკური პირის უნიკალური იდენტიფიცირების მიზნით მუშავდება;

ჯანმრთელობასთან დაკავშირებული მონაცემი - მონაცემთა სუბიექტის ფიზიკური ან ფსიქიკური ჯანმრთელობის შესახებ, აგრეთვე მისთვის სამედიცინო მომსახურების გაწევის თაობაზე ინფორმაცია, თუ იგი მონაცემთა სუბიექტის ფიზიკური ან ფსიქიკური ჯანმრთელობის შესახებ ინფორმაციას იძლევა;

მონაცემთა დამუშავება − მონაცემთა მიმართ შესრულებული ნებისმიერი მოქმედება, მათ შორის, მათი შეგროვება, მოპოვება, მათზე წვდომა, მათი ფოტოგადაღება, ვიდეომონიტორინგი ან/და აუდიომონიტორინგი, ორგანიზება, დაჯგუფება, ურთიერთდაკავშირება, შენახვა, შეცვლა, აღდგენა, გამოთხოვა, გამოყენება, დაბლოკვა, წაშლა ან განადგურება, აგრეთვე მონაცემთა გამჟღავნება მათი გადაცემით, გასაჯაროებით, გავრცელებით ან სხვაგვარად ხელმისაწვდომად გახდომით;

დამუშავებისათვის პასუხისმგებელი პირი - ფიზიკური პირი, იურიდიული პირი ან საჯარო დაწესებულება, რომელიც ინდივიდუალურად ან სხვებთან ერთად განსაზღვრავს მონაცემთა დამუშავების მიზნებსა და საშუალებებს, უშუალოდ ან დამუშავებაზე უფლებამოსილი პირის მეშვეობით ახორციელებს მონაცემთა დამუშავებას. წინამდებარე დოკუმენტის მიზნებისათვის დამუშავებისათვის პასუხისმგებელ პირს წარმოადგენს - ჯიპიაი/კომპანია ;

პერსონალურ მონაცემთა დაცვის ოფიცერი − დამუშავებისთვის პასუხისმგებელი პირის ან დამუშავებაზე უფლებამოსილი პირის მიერ განსაზღვრული/დანიშნული პირი, რომელიც პერსონალურ მონაცმეთა დაცვის შესახებ საქართველოს კანონის 33-ე მუხლით გათვალისწინებულ ფუნქციებს ასრულებს; პერსონალურ მონაცემთა დაცვის ოფიცრის მომსახურებას ჯიპიაის უწევს შპს დეითა ფრაივასი (ს/კ: 400272469);

 

დოკუმენტში გამოყენებულ სხვა ტერმინებს აქვთ პერსონალურ მონაცემთა დაცვის შესახებ საქართველოს კანონით განსაზღვურლი მნიშვნელობა.

 

 

1.   მოქმედების სფერო

 

წინამდებარე განაცხადი ვრცელდება ჯიპიაის იმ დაზღვეულებზე/მომხმარებლებზე, რომლებიც სარგებლობენ პირადი კაბინეტით , ინფორმაციის ან/და სადაზღვევო მომსახურების დისტანციურად მიღების მიზნით;

 

 

2.   მონაცემთა დამუშავების მიზნები

პირადი კაბინეტის ფარგლებში ჯიპიაი მომხმარებლის/პოტენციური მომხმარებლის მონაცემებს ამუშავებს:

ა) მომხმარებლის/პოტენციური მომხმარებლის იდენტიფიცირებისა და პირად კაბინეტში რეგისტრაციის მიზნით;

ბ) კომუნიკაციის მიზნით;

ბ) სადაზღვევო მომსახურების (მათ შორის, ექიმთან ჩაწერა, მიმართვების გამოწერა, ზარალის ანაზღაურება) მიწოდების მიზნით;

გ) მომხმარებელთან ანგარიშსწორების მიზნით (მათ შორის, ზარალის ანაზღაურების შემთხვევაში);

დ) ჯიპიაის მიერ საქართველოს კანონმდებლობით დაკისრებული ვალდებულების შესრულების მიზნით.

ე) ინფორმაციის მიწოდების მიზნით.

 

 

 

3.   მონაცემებთა დამუშავების სამართლებრივი საფუძვლები

 

3.1 ჯიპიაი პერსონალურ მონაცემებს ამუშავებს პერსონალურ მონაცემთა დაცვის შესახებ საქართველოს კანონით გავალისწინებული პრინციპებისა და შემდეგი სამართლებრივი საფუძვლებით:

3.1.1. წინამდებარე დოკუმენტის მე-2 მუხლის ა , ბ და გ პუნქტებში მითითებული მიზნით მონაცემები მუშავდება კანონის მე-5 მუხლის პირველი პუნქტის ბ და კ ქვეპუნქტების მიხედვით, რომლის თანახმად - მონაცემთა დამუშავება აუცილებელია მონაცემთა სუბიექტთან დადებული გარიგებით ნაკისრი ვალდებულების შესასრულებლად ან მონაცემთა სუბიექტის მოთხოვნით გარიგების დასადებად; ასევე, მონაცემთა დამუშავება აუცილებელია მონაცემთა სუბიექტის განცხადების განსახილველად (მისთვის მომსახურების გასაწევად) (მაგ. პირად კაბინეტში დასარეგისტრირებლად);

3.1.2. წინამდებარე დოკუმენტის მე-2 მუხლის დ პუნქტში მითითებული მიზნით მონაცემები მუშავდება კანონის მე-5 მუხლის პირველი პუნქტის დ ქვეპუნქტის მიხედვით - მონაცემთა დამუშავება საჭიროა საქართველოს კანონმდებლობით დაკისრებული მოვალეობის შესასრულებლად;

3.1.3. განსაკუთრებული კატეგორიის მონაცემები მუშავდება კანონის მე-6 მუხლის ,,დ ქვეპუნქტის შესაბამისად და განსაზღვრული მიზნით, რომლის თანახმადაც, განსაკუთრებული კატეგორიის მონაცემთა დამუშავება დასაშვებია მხოლოდ იმ შემთხვევაში, თუ დამუშავებისთვის პასუხისმგებელი პირის მიერ უზრუნველყოფილია მონაცემთა სუბიექტის უფლებებისა და ინტერესების დაცვის ამ კანონით გათვალისწინებული გარანტიები და აუცილებელია ჯანმრთელობის დაცვის სფეროში პრევენციული, პროფილაქტიკური, დიაგნოსტიკური, სამკურნალო, სარეაბილიტაციო და პალიატიური მზრუნველობის, მომსახურების, სამედიცინო მოწყობილობების და პროდუქტების ხარისხისა და უსაფრთხოების, საზოგადოებრივი ჯანმრთელობის და ჯანმრთელობის დაცვის სისტემის მართვის მიზნებით საქართველოს კანონმდებლობის ან ჯანმრთელობის დაცვის სპეციალისტთან დადებული ხელშეკრულების (თუ ამ მონაცემებს ამუშავებს პირი, რომელსაც პროფესიული საიდუმლოების დაცვის ვალდებულება ეკისრება) შესაბამისად;

3.2 კანონიერი საფუძვლის გარეშე შეგროვებული და დამუშავების მიზნის შეუსაბამო მონაცემები უნდა დაიბლოკოს, წაიშალოს ან განადგურდეს.

 

 

 

4.      პერსონალურ მონაცემთა კატეგორია და მისი დამუშავება

 

4.1. პირადი კაბინეტის საშუალებით ჯიპიაი თავის მომხმარებლებს სთავაზობს სხვადახვა სახის დაზღვევის მომსახურებას, კერძოდ, ჯანმრთელობის დაზღვევის, სამოგზაურო დაზღვევის, კიბოს რისკისგან დაზღვევისა და ავტოდაზღვევის დისტანციურ მომსახურებას. აღნიშნულის გათვალისწინებით, მომხმარებლის მიერ პირადი

 

კაბინეტით სარგებლობის შემთხვევაში, მიმდინარეობს შემდეგი სახის მონაცემების დამუშავება დაზღვევის კატეგორიის შესაბამისად:

ა) მაიდენტიფიცირებელი მონაცემები: სახელი, გვარი, პირადი ნომერი, სადაზღვევო პოლისის ნომერი, დაბადების თარიღი, სქესი, მოქალაქეობა, პირადობის ან/და მოქალაქოების დამადასტურებელი დოკუმენტის ნომერი, გაცემი თარიღი, გამცემი ქვეყანა, გამცემი ორგანო და მოქმედების ვადა, ქვეყანა, ქალაქი;

ბ) საკონტაქტო ინფორმაცია: ტელეფონის ნომერი, ელ-ფოსტა, იურიდიული ან/და ფაქტობრივი მისამართი, IP მისამართი, რომლის გამოყენებითაც ხორციელდება ჯიპიაის კუთვნილ ვებგვერდზე/აპლიკაციაში შესვლა;

გ) ფინანსური ინფორმაცია: სადაზღვევო პრემიის ოდენობა, ჩეკი, შემოსავლის ორდერი/ინვოისი/ანგარიშფაქტურა, კალკულაცია, საბანკო რეკვიზიტები (საბანკო ანგარიშის ნომერი);

დ) ზარალთან დაკავშირებული მონაცემები;

ე) ჯანმრთელობასთან დაკავშირებული მონაცემები;

ვ) ავტოსატრანსპორტო საშუალების შესახებ ინფორმაცია: მარკა, მოდელი, გამოშვების წელი, სახელმწიფო ნომერი, VIN კოდი, ფერი.

ზ) დამზღვევის მიერ ოჯახის წევრის ან/და სხვა მესამე პირის დაზღვევის შემთხვევაში, პირადი კაბინეტის ფარგლებში, დამზღვევს წვდომა აქვს შემდეგი სახის მონაცემებზე:

(i)                 არასრულწლოვანი პირის შემთხვევაში:  დაზღვეულის  სახელი/გვარი, პოლისის ნომერი, პოლისის მოქმედების  ვადა, პრემია, დავალიანება, შეძენელი პოლისის პირობები (ლიმიტები), გახარჯვები და  გადახდის გრაფიკი, პროვაიდერების სია;

(ii)              სრულწლოვანი დაზღვეულის  შემთხვევაში: დაზღვეულის  სახელი/გვარი, პოლისის ნომერი, პოლისის ტიპი, პოლისის სტატუსი (აქტიური), პოლისის მოქმედების  ვადა, დავალიანება, შეძენელი პოლისის პირობები, გადახდის გრაფიკი, პროვაიდერების სია;

4.2. თუ დამზღვევის მიერ დაზღვეულია ოჯახის წევრი ან/და სხვა ნებისმიერი მესამე პირი, დამზღვევი უფლებამოსილია დააფიქსრიოს შემდეგი შინაარის განაცხადები/მოთხოვნები დაზღვეულ პირთათვის: სამედიცინო ანაზაღაურებაზე განაცხადი, საგარანტიო წერილის მოთხოვნა, მიმართვა სამედიცინო მომსახურებაზე.

4.3. პირად კაბინეტში რეგისტრაციის მიზნებისთვის მუშავდება მხოლოდ პირის სახელი, გვარი, პირადი ნომერი, დაბადების თარიღი, პოლისის ნომერი, სქესი, ტელეფონის ნომერი და ელექტრონული ფოსტა, თუ რეგისტრაციის გავლის მომენტისთვის პირი არის კომპანიის მომხმარებელი; წინააღმდეგ შემთხვევაში, მუშავდება იგივე მონაცემები გარდა პოლისის ნომრისა.

4.4 პერსონალურ მონაცემთა დამუშავება მიმდინაორებს მხოლოდ წინამდებარე დოკუმენტის მე-2 მუხლით გათვალისწინებული მიზნებისა და მე-3 მუხლით გათვალისიწნებული სამართლებრივი პრინციპებისა და საფუძვლების დაცვით.

4.5 სადაზღვევო მომსახურების გაწევის მიზნით, კომპანიამ სხვა მონაცემთა დამუშავებაზე პასუხისმგებელ პირთან ერთად შეიძლება დაამუშავოს მომხმარებლის მონაცემები, წერილობითი ხელშეკრულების საფუძველზე, რომელიც უნდა შეესაბამებოდეს ჯიპიაის მკაცრად დადგენილ სტანდარტებსა და საქართველოს კანონმდებლობით გათვალისწინებულ მოთხოვნებს.

4.6. მომხმარებლის/პოტენციური მომხმარებლის მიერ მოწოდებული ინფორმაცია ჯიპიაისთვის წარმოადგენს ზუსტ და უტყუარ მონაცემებს; მცდარი, არაზუსტი ან/და არასრული მონაცემების შემთხვევაში, მომხმარებელი/პოტენციური მომხმარებელი ვალდებულია შეატყობინოს ჯიპიაის და მოსთხოვოს მონაცემების გასწორება, განახლება ან/და მათი შევსება.

 

 

5.      პერსონალური მონაცემების მესამე პირებისთვის გადაცემა

 

5.1 ჯიპიაი მომხმარებელთა პერსონალურ მონაცემებს მესამე პირებს გადასცემს შემდეგი მიზნებისათვის:

ა) მომხმარებლისათვის სრულყოფილი სადაზღვევო მომსახურების გაწევის მიზნით;

ბ) საქართველოს კანონმდებლობით ან/და ხელშეკრულებით ნაკისრი ვალდებულების შესრულების მიზნებისათვის.

5.2. მესამე პირს წარმოადგენს ჯიპიაის პროვაიდერი დაწესებულებები, სახელმწიფო სექტორში მოქმედი ორგანიზაციები, სადაზღვევო ინდუსტრიაში მოქმედი ორგანიზაციები, ჯიპიაის პარტნიორი კომპანიები, გადამზღვეველი კომპანიები, საკრედიტო საინფორმაციო ბიურო, სს საკრედიტო საინფორმაციო ბიურო კრედიტინფო საქართველო.

5.3. ჯიპიაის მიერ პერსონალური მონაცემების მესამე პირებისათვის გადაცემის უფლებამოსილება კომპანიას გააჩნია კანონმდებლობით ან მომხმარებელთან გაფორმებული ხელშეკრულებებიდან გამომდინარე.

5.4. ჯიპიაის მიერ პერსონალური მონაცემების მესამე პირებისთვის გადაცემა ხდება პერსონალურ მონაცემთა დაცვის შესახებ საქართველოს კანონის შესაბამისად.

 

 

6.         მონაცემთა უსაფრთხოება

 

6.1 ჯიპიაიში მიღებულია მონაცემთა დამუშავების შესაძლო და თანმდევი საფრთხეების შესაბამისი ისეთი ორგანიზაციული და ტექნიკური ზომები, რომლებიც უზრუნველყოფს კომპანიაში მონაცემთა დაცვას მონაცემთა დაკარგვისგან, უკანონო დამუშავებისგან, მათ შორის, განადგურებისგან, შეცვლისაგან, გამჟღავნებისგან ან გამოყენებისგან.

6.2 კომპანიაში მკაცრად დაცულია პერსონალურ მონაცემთა კონფიდენციალურობა და თითოეულ თანამშრომელს მათზე წვდომა აქვს სამსახურებრივი უფლებამოსილების შესაბამისად.

6.3. კომპანიაში პერსონალურ მონაცემთა დაცვას უზრუნველყოფს პერსონალური მონაცემების დაცვის ოფიცერი.

 

7.         მონაცემთა სუბიექტის უფლებები და ვალდებულებები

 

7.1 მონაცემთა სუბიექტს უფლება აქვს მოსთხოვოს ჯიპიაის ინფორმაცია მის შესახებ მონაცემების დამუშავების შესახებ, მონაცემთა გაცნობა და ასლების მიღება, მონაცემთა გასწორება, განახლება, შევსება, დამუშავების შეწყვეტა, წაშლა ან განადგურება, დაბლოკვა, გადატანა, ავტომატიზებული ინდივიდუალური გადაწყვეტილების მიღება, თანხმობის გამოხმობა და განახორციელოთ საქართველოს კანონმდებლობით გათვალისწინებული სხვა უფლებები.

7.2 მონაცემთა სუბიექტს უფლება აქვს, ინფორმაცია მიიღოს მისი მოთხოვნიდან არაუგვიანეს 10 სამუშაო დღისა. ეს ვადა განსაკუთრებულ შემთხვევებში და სათანადო დასაბუთებით შეიძლება გაგრძელდეს არაუმეტეს 10 სამუშაო დღით, რის შესახებაც მონაცემთა სუბიექტს დაუყოვნებლივ უნდა ეცნობოს.

 

8. მონაცემთა შენახვის ვადა

 

მომხმარებლის/პოტენციური მომხმარებლის პერსონალური მონაცემები ინახება იმ ვადით, რაც აუცილებელია სადაზღვევო მომსახურების გაწევის ან/და ჯიპიაის მიერ საქართველოს კანონმდებლობით დაკისრებული ვალდებულების შესრულების მიზნებისთვის,მაგრამ არაუმეტეს 25 წლის განმავლობაში. შენახვის ვადის გასვლისთანავე, პერსონალური მონაცემის შემცველი ყველა დოკუმენტი ექვემდებარება განადგურებას ან/და წაშლას, ფორმატის შესაბამისად.

 

9. პერსონალურ მონაცემთა დაცვის ოფიცერი

 

სს დაზღვევის საერთაშორისო კომპანია ჯიპიაის მიერ პერსონალურ მონაცემთა დაცვასთან დაკავშირებულ ნებისმიერ საკითხზე შეგიძლიათ დაუკავშირდეთ პერსონალურ მონაცემთა დაცვის ოფიცერს, შპს დეითა ფრაივისის (ს/კ: 400272469) შემდეგ ელექტრონული ფოსტის მისამართზე: info@dataprivacy.ge, ან/და ტელეფონის ნომერზე: 511 24 94 58;

 

წინამდებარე დოკუმენტის გაცნობით მომხმარებელი/პოტენციური მომხმარებელი მიიჩნევა ინფორმირებულად პირად კაბინეტში მისი მონაცემების დამუშავების თაობაზე.